*कोंकण एक्सप्रेस*
*साटेली-भेडशी आरोग्य केंद्रातील रक्तदान शिबिरास उत्स्फूर्त प्रतिसाद*
*दोडामार्ग : प्रतिनिधी*
जगद्गुरु नरेंद्रचार्य महाराज संस्थान नाणिजधाम व सिंधू रक्तमित्र प्रतिष्ठान सिंधुदुर्ग, शाखा दोडामार्ग यांच्या संयुक्त विद्यमाने प्राथमिक आरोग्य केंद्र साटेली-भेडशी येथील रक्तदान शिबिरास उत्स्फूर्त प्रतिसाद लाभला.भाजपा जिल्हा उपाध्यक्ष व माजी जिल्हा परिषद अध्यक्ष राजेंद्र म्हापसेकर यांच्या उपस्थितीत उद्घाटन करण्यात आले. यावेळी दोडामार्ग भाजपा तालुकाध्यक्ष सुधीर दळवी,जगद्गुरु नरेंद्रचार्य महाराज संस्थानचे दोडामार्ग प्रमुख सुभाष गवस, रमिला बागकर, सिंधू रक्तमित्र प्रतिष्ठानचे दोडामार्ग उपाध्यक्ष सौ.गीतांजली संतोष सातार्डेकर, प्रसिद्धी प्रमुख भूषण सावंत आदी उपस्थित होते.
जगद्गुरु नरेंद्राचार्य महाराज संस्थान नाणिजधाम यांच्या माध्यमातून ४ ते १९ जानेवारी हा रक्तदान महायज्ञ संकल्प महाराष्ट्र राज्यात सुरू असून त्या दृष्टीने दोडामार्ग तालुक्यात जगद्गुरु नरेंद्राचार्य महाराज संस्थान दोडामार्ग शाखेच्यावतीने रक्तदान महायज्ञ आयोजित करण्यात आला होता.सदर रक्तदान शिबिरास २ महिला व २८ पुरुषांनी एकुण ३० जणांनी रक्तदान केले आहे. १० जानेवारी रोजी मोरगाव आरोग्य केंद्र येथे तर १५ जानेवारी रोजी दोडामार्ग आरोग्य केंद्रात रक्तदान शिबिराचे आयोजन करण्यात आले आहे. त्यावेळी इच्छुक रक्तदात्यांनी लाभ घ्यावा असे आवाहन करण्यात आले आहे.
