*कोंकण एक्सप्रेस*
*श्री स्वामी समर्थांच्या पालखी व पादुकांचे २४ जानेवारीला दोडामार्गात आगमन*
*दोडामार्ग : प्रतिनिधी*
श्री स्वामी समर्थ अन्नछत्र मंडळ अक्कलकोट येथून श्री स्वामी समर्थ यांची पालखी व पादुकांचे २४ जानेवारी सायं. ५.०० वाजता दोडामार्ग शहरात आगमन होणार आहे.
या पालखी व पादुका दर्शन सोहळा निमित्त श्री स्वामी समर्थ पालखीची मिरवणूक राष्ट्रोळी मंदिर सावंतवाडी ते पिंपळेश्वर बाजारपेठ पर्यंत येईल. तर रात्रौ ९ वा श्री साई समर्थ सोंगी भजन कोल्हापुर यांचे श्री स्वामी समर्थ, गजानन महाराज, बाळुमामा, साईबाबा, देवीचा गोंधळ इतर देवता संताचे दर्शन दाखवणारे लोकप्रिय कार्यक्रम दाखविण्यात येणार आहेत.
तसेच २५ जानेवारीला सकाळी ०५.३० वाजता सामुहीक अभिषेक व शेजाआरती होणार आहे. सर्व कार्यक्रम श्री पिंपळेश्वर बाजारपेठ दोडामार्ग येथे होतील. तरी आपण सर्वांनी उपस्थित राहून देवदर्शन, तिर्थप्रसाद व महाप्रसादाचा लाभ घ्यावा, असे आवाहन दोडामार्ग तालुका श्री स्वामी समर्थ भक्त मंडळ यांनी केले आहे.
