*कोंकण Express*
*वारगाव येथील खवले मांजर विक्री प्रकरणातील आरोपींना न्यायालयीन कोठडी*
*कणकवली : प्रतिनिधी*
कणकवली तालुक्यातील वारगाव येथे खवले मांजराची तस्करी करून विकण्याच्या प्रयत्नात असलेल्या पाच संशयितांना वनविभागाच्या पथकाने रविवारी ताब्यात घेतले होते.त्यातील एका अल्पवयीन मुलाला वगळून इतर चार आरोपींना अटक करून सोमवारी न्यायालयात हजर करण्यात आले.त्या चार जणांना ६ डिसेंबर पर्यंत वनकोठडी मिळाली होती.ती मुदत संपल्याने त्यांना पुन्हा शुक्रवारी न्यायालयात हजर केले असता न्यायालयाने त्यांना न्यायालयीन कोठडी सुनावली आहे.
१ डिसेंबर रोजी दुपारी वन अधिकाऱ्यांना खवले मांजर विक्रीसाठी घेऊन काही लोक वारगाव येथे येणार असल्याची गुप्त माहिती मिळाली होती. त्यामुळे सापळा रचण्यात आला. यावेळी विशाल विष्णु खाडये (३४, रा. लोरे नं. १, ता. कणकवली), संदीप तानाजी घाडी (४४, रा. मुटाट ता. देवगड), गिरिधर लवू घाडी (४१, रा. मुटाट, ता. देवगड), गुरुनाथ धोंड्डु घाडी (५०, रा. मुटाट ता. देवगड) अशा चार जणांना ताब्यात घेऊन चौकशी अंती अटक करण्यात आली होती. त्यांना पोलिस कोठडी नंतर आता न्यायालयीन कोठडी मिळाली आहे. वनविभागाचे अधिकारी या घटनेचा अधिक तपास करीत आहेत.
