*कोंकण Express*
*बेकायदा दारू वाहतुक प्रकरणी सावंतवाडीचा तरुण ताब्यात*
*१६ लाख २० हजारांचा मुद्देमाल जप्त,इन्सुली उत्पादन शुल्क* विभागाची कारवाई
*सावंतवाडी : प्रतिनिधी*
बांदा पंजाबी ढाब्याजवळ गोव्यातून बेकायदा केल्या जाणाऱ्या दारू वाहतुकी विरोधात राज्य उत्पादन शुल्क विभागाच्या इन्सुली पथकाने कल रात्री कारवाई केली. या कारवाईत ४ लाख २० हजार ८४० रुपयांची दारू व १२ लाख रुपयांची कार असा एकूण १६ लाख २० हजार ८४० रुपयांचा मुद्देमाल जप्त केला. बेकायदा दारू वाहतूक प्रकरणी शुभम शिवप्रसाद शितोळे (२७, रा. सावंतवाडी) याला ताब्यात घेण्यात आले. या कारवाईत विविध बॅण्डचे ८० बॉक्स जप्त करण्यात आलेत.
दारू वाहतुकीसाठी वापरलेली क्रेटा कार (एमएच ०८ बीई ००८१) जप्त करण्यात आली. सदर कारवाई जिल्हा अधीक्षक मनोज शेवरे यांच्या मार्गदर्शनाखाली निरीक्षक भानुदास खडके, दुय्यम निरीक्षक प्रदीप रासकर, विवेक कदम, जवान रणजित शिंदे, दीपक वायदंडे, सतीश चौगुले, सागर सूर्यवंशी व अभिषेक खत्री यांच्या पथकाने केली. अधिक तपास दुय्यम निरीक्षक प्रदीप रासकर करीत आहेत.
