*कोकण Express*
*फोंडाघाट येथे जमीन वादातून दोन कुटुंबात हाणामारी*
*कणकवली ः प्रतिनिधी*
फोंडाघाट येथे जमीन वादातून दोन कुटुंबात हाणामारी झाल्याची घटना सायंकाळी ४ वाजण्याच्या सुमारास घडली आहे. या हाणामारीत दोन्ही कुटुंबातील ७ जण गंभीर जखमी झाले आहेत. त्यात तिघांची डोकी फुटली असून दोन जण फॅक्चर झाल्याचे समजते.जखमींना उपचारासाठी रुग्णालयात दाखल करण्यात आले आहे.
याबाबत अधिक वृत्त असे की फोंडाघाट बावीचे भाटले येथे पाटकर व कातरुड या दोन कुटुंबात जमिनीचे वाद होते. या वादामुळे सायंकाळी पाटकर यांच्या कुटुंबातील लोकांनी कातरुड हे राहत असलेल्या घरी जात वाद केला. त्यात दोन्ही कुटुंबात लाकडी दांडा व अन्य साहित्याच्या साहाय्याने त्या दोन्ही कुटुंबातील सातजण जखमी झाल्याची माहिती पोलिस सूत्रांनी दिली आहे.
गंभीर जखमींमध्ये गणेश मधुकर पाटकर (४७),ताराचंद्र मोहन पाटकर ४९( दोघेही राहणार फोंडाघाट जुनाबाजार),तसेच एकनाथ धोंडू कातरुड व पत्नी शुभांगी मुलगा प्रशांत (सर्व राहणार फोंडाघाट) हे जखमी झाले आहेत.
याप्रकरणी कणकवली पोलिसांनी दोन्ही कुटुंबातील धाव घेतली आहे.मात्र पोलीसांनी पहिल्यांदा कणकवली उपजिल्हा रुग्णालयात जाऊन उपचार घ्या, नंतर गुन्हा दाखल करण्याची प्रक्रिया करण्यात येईल,असे सांगितले आहे. त्यामुळे रात्री उशिरा पर्यंत गुन्हा दाखल करण्याची प्रक्रिया सुरु होती, अधिक तपास कणकवली पोलीस करत आहेत.
