*कोकण Express*
*स्विफ्ट कारची जोरदार धडक बसून दोन वृद्ध पादचारी गंभीर जखमी….!*
*अपघातानंतर कारचालकाचे कारसह पलायन….!*
*कणकवली प्रांताधिकारी कार्यालायनजीक अपघात…!*
*कणकवली ः प्रतिनिधी*
पुण्याहून तारकर्ली च्या दिशेने जाणाऱ्या स्विफ्ट कारची जोरदार धडक बसून दोन वृद्ध पादचारी गंभीर जखमी झाले. सायंकाळी साडे सहाच्या सुमारास कणकवली प्रांताधिकारी कार्यालायनजीक नॅशनल हायवेवर हा अपघात घडला.
अपघातानंतर कारचालकाने अपघातस्थळावरून कारसह पळ काढला. नरडवे फाट्यावर पोलिसांच्या दंगा काबू पथकाकडे जाऊन कारसह करचालक थांबला. लातूरमधील दोन युवक आपल्या दोन मैत्रिणीसह पर्यटनासाठी पुण्याहून भाड्याची कार घेऊन पुण्याहून तारकर्लीला निघाले होते. कारचालकाचे नियंत्रण सुटून रस्त्यावरून चालणाऱ्या दोन वयोवृद्धां ना कारची जोरदार धडक बसली. दोन्ही वृद्ध जखमी अवस्थेत रस्त्यावर पडले होते. पोलीस निरीक्षक संजय धुमाळ यांनी उपनिरीक्षक जगदीश बांगर, एपीएसआय विनायक चव्हाण,चालक एपीएसआय राजू उबाळे यांच्यासह तात्काळ अपघातस्थळी धाव घेतली.जखमी वृद्धांना ऍम्ब्युलन्समधून कणकवली उपजिल्हा रुग्णालयात दाखल केले. तर कारचालकासह सहकारी पर्यटकांना पोलीस ठाण्यात नेण्यात आले.
