*कोंकण Express*
*रिक्षा तसेच परवानाधारक व्यावसायिकांच्या पर्यटन व्यवसाय वाढीसाठी ऑनलाईन ऍप प्रदर्शित करण्यासाठी पर्यटन महासंघास सहकार्य करणार :-श्री विजय काळे उपप्रादेशिक परिवहन अधिकारी सिंधुदुर्ग*
पर्यटन व्यावसायिक महासंघाच्या वतीने 27 सप्टेंबर 24 रोजी होणाऱ्या जागतिक पर्यटन दिनानिमित्त सिंधुदुर्ग जिल्ह्यातील रिक्षा व्यासायिकांना संघटित करून त्यांच्या ऑनलाईन व्यवसाय वाढीसाठी पर्यटन व्यावसायिक महासंघा तर्फे रिक्षा व्यावसायिकांसाठी ऑनलाईन ऍप सुरु करण्याचे ठरविले असून यासाठी श्री विजय काळे उपपरिवहन अधिकारी सिंधुदुर्ग यांची पर्यटन व्यावसायिक महासंघाच्या शिष्टमंडळाच्या वतीने भेट घेण्यात आली.त्यावेळी पर्यटन व्यावसायिक महासंघाच्या वतीने रिक्षा व अन्य परवाना धारक व्यावसायिकांना ऍप च्या माध्यमातून रजिस्टर केल्यास या क्षेत्रात काम करणाऱ्या व्यावसायिकांना पर्यटनाच्या माध्यमातून आर्थिक स्तर उंचावण्यास मदत होईल यासाठी भेट घेण्यात आली शासन,व्यावसायिक,पर्यटन महासंघाच्या समन्वयाने ऍप चालल्यास पर्यटन वाढीसाठी जिल्ह्यात परिवहन पर्यटन क्षेत्रात योग्य मार्ग बनेल असे भूमिका पर्यटन व्यावसायीक महासंघा तर्फे मांडण्यात आली यावेळी बोलताना श्री विजय काळे यांनी पर्यटन पर्यटन महासंघाच्या या उपक्रमाच्या माहिती साठी रिक्षा संघटना तसेच अन्य परवानाधारक वाहतूक व्यावसायिकांची चालू आठवड्यात आपल्या दालनात ओरोस येथे बैठक आयोजित करून या साठी आवश्यक ते सहकार्य करण्याचे आश्वस्त केले तसेच सदर ऍप साठी साठी पर्यटन महासंघास सहकार्य करणार असे सांगितले.
सिंधुदुर्ग जिल्हा पर्यटन जिल्हा घोषित होऊन 28 वर्षे पूर्ण होऊनही जिल्ह्यातील शाश्वत पर्यटन विकासासाठी शासन स्तरावर प्रयत्न चालू आहेत.जिल्ह्यतील ग्रामीण पर्यटन वाढीमध्ये सर्वात महत्वाची भूमिका ही रिक्षा व्यावसायिकांची असूनही ऑनलाईन मार्केटिंग क्षेत्रात रिक्षा व्यावसायिक मागे राहिल्याने परवानाधारक रिक्षा व्यावसायिक पर्यटन व्यवसाया पासून दुरावल्या स्थितीत आहे याचाच विचार करून पर्यटन व्यावसायिक महासंघाच्या माध्यमातून जिल्ह्यातील परवानाधारक रिक्षा व्यावसायिक ऑनलाईन ऍप च्या माध्यमातून नोंदणीकृत केल्यास जिल्ह्यात पर्यटनासाठी भेट देणाऱ्या देशविदेशातील पर्यटकांसाठी व्यावसायिकांचे नंबर उपलब्ध होऊन येणाऱ्या पर्यटकांना परिचित ,अपरिचित पर्यटन स्थळे पाहण्याचे नियोजन करता येईल तसेच पर्यटन स्थळ दरपत्रकही उपलब्ध होईल व सुरक्षित प्रवासाचे माध्यम उपलब्ध होऊन जिल्ह्यातील पर्यटन वाढीसाठी मदत होणारी आहे अशी माहिती श्री विष्णू मोंडकर अध्यक्ष पर्यटन व्यावसायिक महासंघ यांनी दिली यावेळी
श्री किशोर दाभोलकर सोशल मीडिया अध्यक्ष पर्यटन व्यावसायिक महासंघ,टी टी डी एस अध्यक्ष श्री सहदेव साळगावकर टीटीडीएस कार्याध्यश श्री रविंद्र खानविलकर पर्यटन व्यावसायिक महासंघ मालवण शहर अध्यक्ष श्री मंगेश जावकर, श्री रामा चोपेड़ेकर ,श्री मिलिंद झाड़ श्री मनोज खोबरेकर,श्री दर्शन वैंगुर्लेकर आदी पर्यटन व्यावसायिक उपस्थित होते.
