*कोंकण Express*
*वेंगुर्ले शहरातील वाढत्या दुचाकी चोरी प्रकरणी भाजपा शिष्टमंडळाने पोलीस प्रशासनाची भेट घेतली*
*भाजपा वेंगुर्ले च्या वतीने पोलीस निरीक्षकांना निवेदन सादर.*
*शहरातील सर्व सि.सी. टिव्ही कॅमेरे लवकरात लवकर सुरु करण्याची आग्रही मागणी* .
वेंगुर्ले शहरात होणाऱ्या दुचाकी चोरीच्या पार्श्वभूमीवर शहरातील बंद स्थितीत असलेले सि.सि.टिव्ही कॅमेरे सुरु करणे बाबत , तसेच शहरातील रात्रीची गस्त वाढविणे बाबत चर्चा करण्यासाठी वेंगुर्ले भाजपा पदाधिकाऱ्यांनी पोलीस उपनिरीक्षक जाधव साहेब यांची भेट घेऊन चर्चा केली व निवेदन सादर केले .
या निवेदनात असे म्हटले कि ,
वेंगुर्ले शहरात भरवस्तीमधुन दुचाकी चोरी होण्याचे प्रमाण वाढत आहे . गेल्या दोन महिन्यांत दुचाकी चोरीच्या चार घटना घडल्या आहेत .
शुक्रवार दिनांक ३१ मे रोजी शहरातील मेन रोड वरील महालक्ष्मी अपार्टमेंट समोर अच्चुत मेस्त्री यांच्या घरासमोर उभी करून ठेवलेली दुचाकी चोरट्याने चोरुन नेली असून , अजुन चोरीचा तपास लागलेला नाही .
वेंगुर्ले शहरामध्ये सुरक्षेच्या दृष्टीने बसवलेले सि.सि. टीव्ही कॅमेरे हे काही ठिकाणी बंद स्थितीत आहेत .ते ताबडतोब सुरु करण्यात यावेत . तसेच शहरामध्ये रात्रीच्या वेळी पोलीस गस्त ही वाढविण्यात यावी , जेणेकरून चोरीवर आळा बसु शकेल .
तरी दुचाकी चोरीचा तपास करून , चोरट्यांना जेरबंद करावे व वेंगुर्ले शहर वासीयांना भयमुक्त करावे . अशी मागणी केली .
यावेळी भाजपा प्रदेश का.का.सदस्य शरदजी चव्हाण , जिल्हा उपाध्यक्ष प्रसंन्ना उर्फ बाळु देसाई , तालुकाध्यक्ष सुहास गवंडळकर , मा.नगराध्यक्ष राजन गिरप , जि.का.का.सदस्य मनवेल फर्नांडिस व वसंत तांडेल , ता.सरचिटणीस बाबली वायंगणकर , मच्छिमार सेलचे दादा केळुसकर , महीला मोर्चाच्या सुजाता पडवळ व वृंदा गवंडळकर , युवा मोर्चाचे प्रणव वायंगणकर व प्रसाद नाईक , मा.उपनगराध्यक्ष अभी वेंगुर्लेकर , ओबीसी सेल चे प्रमोद वेर्णेकर., बुथ प्रमुख पुंडलिक हळदणकर , भुषण सारंग इत्यादी उपस्थित होते .
