*कोकण Express*
*भटक्या कुत्र्यांचे निर्बीजीकरण व अँटी रॅबीज लसीकरण मोहिमेत ५६७ कुत्र्यांवर निर्बीजीकरणाची शस्त्रक्रिया*
*कणकवलीनगराध्यक्ष समीर नलावडे व नगरपंचायत च्या माध्यमातून राबवली जातेय मोहीम*
*कणकवली ः प्रतिनिधी*
कणकवली नगराध्यक्ष समीर नलावडे व नगरपंचायत च्या वतीने राबविण्यात येत असलेल्या शहरातील भटक्या कुत्र्यांचे निर्बीजीकरण व अँटी रॅबीज लसीकरण मोहिमेत आतापर्यंत ५६७ कुत्र्यांवर निर्बीजीकरणाची शस्त्रक्रिया करण्यात आली. तसेच या सर्व पकडलेल्या भटक्या कुत्र्यांना अँटी रॅबीज लसीकरण करण्यात आले. कोल्हापूर येथील संस्थेला हे काम देण्यात आले असून, त्यांच्या माध्यमातून सकाळच्या सत्रात भटके कुत्रे पकडण्याची मोहीम हाती घेण्यात येते. सुरुवातीच्या टप्प्यात कुत्रे पकडण्याचे काम गतीने झाले. मात्र आता या एजन्सीची गाडी व कर्मचारी कुत्रे पकडण्यासाठी दाखल होतात भटक्या कुत्र्यांची सगळीकडे सैरावैरा धावपळ सुरू होते. गेले काही दिवस सातत्याने राबविण्यात आलेल्या या मोहिमेमुळे शहरातील भटक्या कुत्र्यांची संख्या काही प्रमाणात कमी झाल्याचे दिसून येत आहे.
