*कोंकण Express*
*कणकवली पोलीस निरीक्षक पदाचा मारुती जगताप यांनी स्वीकारला पदभार*
कणकवलीचे प्रभारी पोलीस निरीक्षक अमित यादव यांची रत्नागिरी जिल्ह्यात बदली झाली आहे. त्यानंतर कणकवली सहाय्यक पोलीस निरीक्षक मनोज पाटील यांच्याकडे पदभार होता.
कणकवली पोलीस निरीक्षक पदी मारुती जगताप यांची नियुक्ती करण्यात आली आहे. त्यांनी शनिवारी आपल्या पदाचा कार्यभार स्वीकारला आहे. यापूर्वी त्यांनी रत्नागिरी ग्रामीणमध्ये पोलीस निरीक्षक म्हणून काम केले होते. रत्नागिरी ग्रामीण भागातील बऱ्याच गुन्ह्यांचा उलगडा त्यांनी केला होता. तसेच अवैध धंद्यांवर देखील कारवाई केली होती.
कणकवली तालुक्यात होणारे गुन्हे रोखून झालेल्या गुन्ह्यांचा सखोल तपास, अवैध धंदे यावर नियंत्रण आणण्याचे नवीन पदभार स्वीकारलेले पोलीस निरीक्षक मारुती जगताप यांच्यासमोर आव्हान असणार आहे.
