*कोंकण Express*
*कुडाळमध्ये भाजप व महाविकास आघाडीचे कार्यकर्ते यांच्यात राडा..*
*कुडाळ ः प्रतिनिधी*
महाविकास आघाडीतील कार्यकर्त्यांचा विरोध डावलून भाजपच्या कार्यकर्त्यांनी विकसित भारत संकल्प यात्रेचा जोरदार शक्ती प्रदर्शनाने शुभारंभ केला. या वादामध्ये भाजप व महाविकास आघाडीचे कार्यकर्ते आमने-सामने भिडले त्यांना नियंत्रित करण्यासाठी पोलीस आणि दंगल नियंत्रक पथक हैराण झाले.
कुडाळ नगरपंचायत कार्यालय येथे विकसित भारत संकल्प यात्रा आली होती या यात्रेवरून कुडाळ नगरपंचायतीच्या सभेमध्ये सत्ताधारी महाविकास आघाडीचे नगरसेवक व भाजपा नगरसेवक यांच्यामध्ये खडाजंगी झाली होती ही खडाजंगी मोदी सरकार या नावावरून झाली होती. दरम्यान यात्रा आज (शुक्रवार) कुडाळ नगरपंचायत येथे आल्यावर याला विरोध करण्यासाठी महाविकास आघाडीचे कार्यकर्ते गोळा झाले. आणि त्यांनी घोषणाबाजी केली. त्या ठिकाणी या यात्रेचे उद्घाटन करण्यासाठी भाजपचे कार्यकर्ते उपस्थित होते त्यांनी मोदी सरकारच्या समर्थनार्थ घोषणा दिल्या यावरून दोन्ही गटांमध्ये शाब्दिक बाचाबाची झाली दोन्ही कार्यकर्ते एकमेकांच्या अंगावर धावून गेले. हे रोखण्यासाठी पोलिसांना बळाचा वापर करावा लागला.
