*कोकण Express*
*मनसेच्या उदय गावडे यांचा शिवसेना शिंदे गटात प्रवेश*
*मालवण ः प्रतिनिधी*
महाराष्ट्र नवनिर्माण सेनेचे मालवण उपतालुकाध्यक्ष उदय विष्णू गावडे यांनी शिवसेना (शिंदे गट) पक्षात प्रवेश केला. शिवसेनेचे जिल्हाप्रमुख संजय आंग्रे यांच्या उपस्थितीत गावडे यांनी पक्षप्रवेश केला. यावेळी उदय गावडे यांची शिवसेनेच्या मालवण उपतालुकाप्रमुख पदी नियुक्ती करण्यात आली.
या पक्षप्रवेश वेळी शिवसेनेचे कुडाळ मालवण विधानसभा मतदारसंघ क्षेत्र प्रमुख बबन शिंदे, मालवण तालुकाप्रमुख राजा गावकर, मालवण शहर प्रमुख बाळू नाटेकर, उपतालुकाप्रमुख पराग खोत व अरुण तोडणकर, महिला उपजिल्हाप्रमुख नीलम शिंदे, महिला उपतालुकाप्रमुख भारती घारकर, विधानसभा क्षेत्र प्रमुख कणकवली जिल्हा परिषद तालुकाप्रमुख संदेश पटेल, उपजिल्हाप्रमुख हरेश पाटील, उपजिल्हाप्रमुख विश्वास गावकर, उपतालुकाप्रमुख उदय राऊत, शिवसैनिक अच्युत लोके, सुधीर चिंदरकर, दीपक राऊत आदी उपस्थित होते.
