*कोकण Express*
*बॅ.नाथ पै शिक्षण संस्थेमध्ये अदिती पै (बॅ.नाथ पै यांची नात) यांच्या हस्ते स्वातंत्र्य दिनानिमित्त ध्वजारोहण*
बॅरिस्टर नाथ पै फाऊंडेशन फॉर कोकण डेव्हलपमेंटच्या संस्थापक अध्यक्षा तथा बॅ. नाथ पै यांच्या नात व बॅ.नाथ पै शिक्षण संस्थेच्या सल्लागार, हितचिंतक सदस्या , पत्रकार अदिती पै यांच्या हस्ते नुकतेच “स्वातंत्र्याचा अमृत महोत्सव” सोहळ्याच्या सांगता समारंभ प्रसंगी बॅरिस्टर नाथ प्रशिक्षण संस्थेच्या प्रांगणात ध्वजारोहण करण्यात आले.
यावेळी शुभेच्छा देताना अदिती पै यांनी ” स्वातंत्र्यप्राप्तीसाठी बलिदान केलेल्या शहिदांची आठवण ठेवणे ,त्यांच्या बलिदानाची जाणीव ठेवून आपण आपलं स्वातंत्र्य,स्वत्व अबाधित राखलं पाहिजे या गरजेचे प्रतिपादन केले. कोणत्याही ठिकाणी, कोणत्याही क्षेत्रामध्ये काम करत असताना राष्ट्रप्रेम ढळू देऊ नका. हीच खऱ्या अर्थाने राष्ट्रासाठी हौतात्म्या पत्करलेल्या स्वातंत्र्यवीरानां व जवानांना आदरांजली ठरेल”. असे सांगत स्वातंत्र्याचा अमृत महोत्सव सोहळ्यास सर्वांना शुभेच्छा दिल्या.
यावेळी शिक्षण संस्थेच्या विविध अभ्यासक्रमातर्फे देशभक्तीपर स्फूर्ती गीत व स्फूर्ती नृत्य सादर करण्यात आली. यावेळी विविध अभ्यासक्रमाचे प्राचार्य, प्राध्यापक, कर्मचारी, विद्यार्थी उपस्थित होते.
