*कोकण Express*
*युवा संदेश प्रतिष्ठान नाटळ सांगवे यांच्यावतीने उल्लेखनीय कामगिरी करणाऱ्या प्राथमिक शिक्षकांचा आदर्श शिक्षक पुरस्काराने करणार सन्मान*
युवा संदेश प्रतिष्ठान नाटळ सांगवे यांच्यावतीने दरवर्षी शैक्षणिक व सामाजिक क्षेत्रात उल्लेखनीय कामगिरी करणार्‍या सिंधुदुर्ग जिल्ह्यातील उपक्रमशील प्राथमिक शिक्षकांना *युवा संदेश आदर्श शिक्षक पुरस्काराने* सन्मानित करण्यात येते. हा पुरस्कार सिंधुदुर्ग जिल्हा मर्यादित असून युवा संदेश प्रतिष्ठानच्या तज्ञ कमिटी मार्फत कोणत्याही प्रकारचा प्रस्ताव न मागवता शालेय विद्यार्थी,पालक, शालेय परिसरातील ग्रामस्थ यांच्याशी चर्चा करून आदर्श शिक्षकांची निवड करण्यात येते.
सन २०२३ यावर्षांसाठी निवड जाहीर करण्यात आली आहे.
*प्राथमिक विभाग*
श्री.अमोल तुकाराम गोसावी(जि.प.प्राथ.शाळा पांग्रड रेडेतळ) , तालुका कुडाळ
*माध्यमिक विभाग*
श्री. सद्गुरु नारायण साटेलकर(
एस एल देसाई विद्यालय पाट) यांची निवड करण्यात आली आहे.
*सदर शिक्षकांना रविवार ३० जुलै २०२३ रोजी मराठा समाज हॉल कुडाळ येथे होणार्‍या सिंधुरत्न टॅलेंट सर्च परीक्षा(STS)बक्षिस वितरण कार्यक्रमात मान्यवरांच्या* हस्ते गौरविण्यात येणार आहे.
युवा संदेश आदर्श शिक्षक पुरस्कार वितरण करण्याचे हे ७ वे वर्ष असून शाल, श्रीफळ, सन्मानचिन्ह, प्रमाणपत्र व रोख रक्कम असे या पुरस्काराचे स्वरूप आहे.
हा प्रतिष्ठेचा पुरस्कार मिळाल्याबद्दल सत्कारमूर्तींचे *मा सौ संजना संदेश सावंत माजी जि प अध्यक्ष सिंधुदुर्ग आणि मा श्री संदेश उर्फ गोट्या सावंत संस्थापक अध्यक्ष युवा संदेश प्रतिष्ठान* यांनी अभिनंदन करून पुढील वाटचालीसाठी शुभेच्छा दिल्या आहेत.
