*कोकण Express*
*केंद्रीय मंत्री नारायण राणे यांच्या प्रमुख उपस्थितीत माजी खा.निलेश राणेंचा वाढदिवस होणार साजरा.; युवा नेते विशाल परब यांची माहिती*
*कुडाळ ः प्रतिनिधी*
माजी खासदार डाॅ.निलेश राणे याचा वाढदिवस मंत्री महोदयांच्या उपस्थितीत धुमधडाक्यात साजरा केला जाणार आहे, या सोहळ्यासाठी केंद्रीय मंत्री नारायण राणे, अनुराग ठाकूर यांच्यासह गोव्याचे मुख्यमंत्री प्रमोद सावंत,जिल्ह्याचे पालकमंत्री रवींद्र चव्हाण, आमदार नितेश राणे उपस्थित राहणार आहेत अशी माहिती विशालसेवा फाउंडेशनचे सर्वेसर्वा तथा भाजपाचे युवा नेते विशाल परब यांनी दिली.
.तर पहिल्या दिवशीच्या नाट्यप्रयोगासाठी तब्बल चाळीस हजार हुन शिवप्रेमी व निलेश राणे प्रेमी उपस्थित राहणार असल्याचेही ते म्हणाले.श्री परब यांनी कुडाळ येथे शासकीय विश्रामगृहावर पत्रकार परिषद घेतली यावेळी ते बोलत होते त्यांच्यासोबत विशाल सेवा फाऊंडेशनचे दादा साईल, विनायक राणे, दीपक नारकर, उपस्थित होते. श्री परब म्हणाले, निलेश राणे यांच्या वाढदिवसानिमित्त भव्य दिव्य असे आशिया खंडातील छत्रपती शिवाजी महाराजांवर आधारित शिवगर्जना हे नाटक आयोजित करण्यात आले आहे या नाटकाची जय्यत तयारी कुडाळ सुरू आहे या नाट्यप्रयोगासाठी राजकीय क्षेत्रातील अनेक मान्यवर उपस्थित राहणार आहे पहिल्या दिवशी 17 तारीख ला निलेश राणे यांचा वाढदिवस धुमधडाका साजरा केला जाणार आहे या कार्यक्रमासाठी केंद्रीय मंत्री नारायण राणे अनुराग ठाकूर गोव्याचे मुख्यमंत्री प्रमोद सावंत त्याचबरोबर जिल्ह्याचे पालकमंत्री रवींद्र चव्हाण नितेश राणे प्रमोद जठार आदी नेतेमंडळी उपस्थित राहणार आहे या कार्यक्रमाला होणारी गर्दी लक्षात घेता पार्किंगची व्यवस्था ही करण्यात येणार आहे कुठल्याही प्रकारचे गालबोट लागू नये याची सर्व जबाबदारी विशाल सेवा फाउंडेशनचे कार्यकर्ते पदाधिकारी घेत आहेत तसेच हा नाट्यप्रयोग शिवप्रेमी तसेच निलेश राणे प्रेमी यांना चांगल्या पद्धतीने पाहता यावा यासाठी नियोजनबद्ध अशी बैठक व्यवस्था ही करण्यात येणार आहे बाल्कनीची व्यवस्था ही या ठिकाणी असणार आहे.
