*कोकण Express*
*हळवल फाट्यावर अपघात ; दोघे गंभीर जखमी*
कणकवली शहरा लगत असणाऱ्या हळवल फाट्यावर आज गुरुवारी पहाटे ५:३० वा च्या सुमारास गोव्याच्या दिशेने जाणारी प्रवासी वाहतूक करणारी लक्झरी पलटी होत यातील दोन प्रवासी गंभीर जखमी झाले. तर उर्वरित प्रवासी किरकोळ जखमी झाले. सुमारे ४० प्रवासी या गाडीतून प्रवास करत असल्याचे समजते. पहाटेच्या सुमारास अपघात झाल्याने एकच हलकल्लोळ झाला. हळवलं फाट्यावरील अवघड वळणावर ही लक्झरी पलटी झाली.
अपघाताची माहिती मिळतात कणकवली नगराध्यक्ष समीर नलावडे, डॉ. अभिजीत आपटे, पोलीस कर्मचारी किरण मेथे, यांच्यासह अनेकांनी घटनास्थळी घेतली. अपघातातील काहींना कणकवलीतील उपजिल्हा रुग्णालयात तर उर्वरित जखमींना खाजगी रुग्णालयात दाखल करण्यात आले. काहींचे हात, पाय फ्रँक्चर झाल्याची प्राथमीक माहिती समोर आली आहे. हे धोकादायक वळण वारंवार अपघातास निमंत्रण देत असून महामार्ग चौपदरीकरण कंपनी व महामार्ग अधिकाऱ्यांच्या नियोजन शून्य कामामुळे या अपघातग्रस्त वळणावर सातत्याने गेले काही वर्षे अपघात सुरू आहेत. एवढे अपघात होऊन देखील ठेकेदार कंपनीचे डोळे केव्हा उघडणार असा प्रश्न उपस्थित केला जात आहे.
अपघाताची माहिती मिळतात पोलिसांनी गटनेते संजय कामतेकर यांच्याशी संपर्क साधत कलंडलेली लक्झरी उभी करण्याकरिता जेसीबी पाठवण्याची मागणी केली. त्यानुसार ठेकेदार अनिल पवार, जावेद शेख हे जेसीबी घेऊन अपघातस्थळी दाखल झाले. जेसीबीच्या साह्याने ही लक्झरी उभी करण्याचा प्रयत्न करण्यात आला. अपघातानंतर घटनास्थळी नागरिकांनी मोठ्या संख्येने गर्दी केली होती.
