*कोकण Express*
*लोखंडी हत्याराने हल्ला करत डोके फोडले*
*कलमठ मधील धक्कादायक घटना*
*कणकवली ः प्रतिनिधी*
कलमठ कुंभारवाडी येथे एकाच्या डोक्यावर लोखंडी हत्याराने हल्ला केल्याची घटना आज दुपारी साडेतीन वाजण्याच्या सुमारास घडली. यात अमोल रामचंद्र दवडते (वय 32 रा. कोल्हापूर) हा जखमी झाला असून त्याच्यावर कणकवलीत खाजगी रुग्णालयात उपचार सुरु आहेत. मिळालेल्या माहितीनुसार कलमठ मुस्लिमवाडी येथील इरफान दाऊद शेख (वय 40) याने अमोलच्या डोक्यावर लोखंडी हत्याराने हल्ला केला. या हल्ल्यात अमोलचे डोके रक्तबंबाळ झाले. घटनास्थळावरून संशयित आरोपी इरफान पसार झाला. गुन्हा दाखल करण्याची कार्यवाही सुरू आहे. हल्ल्याची घटना सीसीटीव्हीत कैद झाली असून कणकवली पोलीस आरोपीच्या मागावर आहेत. कणकवली पोलिसांकडून याप्रकरणी तपासाची चक्रे वेगाने फिरवण्यास सुरुवात करण्यात आली आहे.
