*कोकण Express*
*कणकवलीत 10 टेबलवर एकाच वेळी मतमोजणी होणार – आर.जे.पवार*
*8 वाजता टपाली तर 10 वाजता सुरु होणार ईव्हीएम मतमोजणी!*
*कणकवली ः प्रतिनिधी*
कणकवली तालुक्यात पार पडलेल्या ग्रामपंचायत निवडणुकीच्या टपाली मतमोजणीला 20 डिसेंबर रोजी सकाळी 8 वाजता कणकवली तहसीलदार कार्यालयात सुरुवात होणार आहे. त्यानंतर 10 वाजता ईव्हीएम मशीन वरील मतमोजणीला सुरुवात केली जाणार असल्याची माहिती तहसीलदार रमेश पवार यांनी दिली. ग्रामपंचायत सार्वत्रिक निवडणुकीची मतमोजणी मंगळावर 20 डिसेंबर रोजी होणार आहे. कणकवली तालुक्यात 240 टपाली मतांची नोंदणी झाली असून सदर टपाली मते आणि ईव्हीएम मशीन तहसीलदार कार्यालयात स्ट्रॉंग रूममध्ये ठेवण्यात येणार आहेत. टपाली मतमोजणीला सकाळी 8 वाजता सुरुवात केली जाणार आहे, त्यामुळे सरपंच व सदस्यपदाच्या उमेदवारांनी सकाळी 8 वाजता तहसीलदार कार्यालयात उपस्थित राहायचे आहे. त्यानंतर सकाळी 10 वाजता ईव्हीएम मशीन वरील मतमोजणी सुरू केली जाणार आहे. ही मतमोजणी एकूण 10 टेबलवर एकाच वेळी केली जाणार असून एकावेळी 10 ग्रामपंचायतचा निकाल हाती मिळणार आहे.
