*कोकण Express*
*केंद्रस्तरीय स्पर्धांमध्ये जि. प. शाळा कणकवली नं. १ ठरली अव्वल*
बालकला, क्रीडा व ज्ञानी मी होणार महोत्सव अंतर्गत विद्यामंदिर हायस्कूलच्या पटांगणावर पार पडलेल्या केंद्रस्तरीय विविध स्पर्धांमध्ये जि. प. शाळा कणकवली रा.बा. उचले शाळा नंबर १ च्या विद्यार्थ्यांनी यश संपादन केले.
कबड्डी स्पर्धेत मोठ्या गटामध्ये जि.प.शाळा कणकवली नंबर १ च्या मुलाचा संघ विजेता ठरला. रिले स्पर्धेत मुलांचा संघ विजेता ठरला. १०० मीटर धावणे व गोळाफेक स्पर्धेत राकेश हुगार याने प्रथम क्रमांक प्राप्त केला. अंजली जाधव हिने १०० मीटर धावण्याच्या स्पर्धेत प्रथम तर गोळाफेक स्पर्धेत द्वितीय क्रमांक प्राप्त केला. रिले स्पर्धेत लहान गटात मुलींचा संघ विजेता ठरला. लांबउडीमध्ये रिया सोलंकी हिने प्रथम क्रमांक प्राप्त केला. उचंवडीमध्ये कावेरी जाधव हिने प्रथम क्रमांक प्राप्त केला. या यशस्वी खेळाडूंचे केंद्रप्रमुख शुभांग दळवी, मुख्याध्यापक सायली गुरव, वर्षाराणी प्रभू, प्रियंका गोवेकर, साक्षी घाडीगावकर, शाळा व्यवस्थापन समितीचे पदाधिकारी व सदस्य, माता-पालक संघाचे पदाधिकाऱ्यांनी व सदस्यांनी अभिनंदन केले.
