*कोकण Express*
*नेहरू युवा केंद्र, रोट्रॅक्ट क्लब ऑफ कणकवली सेंट्रल आणि साद टीम यांच्यावतीने कणकवलीत राबविण्यात आली स्वच्छता मोहीम*
*कणकवली ः प्रतिनिधी*
नेहरू युवा केंद्र कणकवली यांच्यावतीने स्वच्छ भारत २.० क्लिन इंडिया कार्यक्रमाचे आयोजन करण्यात आले होते. याअंतर्गत रोट्रॅक्ट क्लब ऑफ कणकवली सेंट्रल आणि साद टीम कणकवली यांच्या सहकार्याने कणकवली येथे गणपती साना, शिवाजी चौक आणि आजूबाजूचा परिसर याठिकाणी स्वच्छता मोहीम राबविण्यात आली. यावेळी प्लास्टिक मुक्त कणकवली अभियाना विषयी उपस्थितांना माहिती देण्यात आली. स्वच्छता ही सुद्धा एक देशसेवाच आहे. स्वच्छता हे राष्ट्रीय कर्तव्य समजून नागरिकांनी आपल्या आजूबाजूच्या परिसराची स्वच्छता केली पाहिजे, असे आवाहन यावेळी करण्यात आले.
यावेळी नेहरू युवा केंद्रचे देवगड तालुका समन्वयक सुजय जाधव, कणकवली तालुका समन्वयक अक्षय मोडक, रोट्रॅक्ट क्लब ऑफ कणकवली सेंट्रलच्या अध्यक्षा श्रद्धा पाटकर, रोट.सिद्धी वरवडेकर, रोट.पांडुरंग पारकर, साद टिमचे विशाल गुरव, मनिष कवळेकर, साईराज सावंत, भावेश तांबे, प्रज्वल राणे, बुद्धेश सावंत, अमिषा सावंत, पुजा मांजरेकर, सागर शेट्ये, समिर गुडेकर आदी उपस्थित होते.
