*कोकण Express*
*जंगमवाडीकडे जाणाऱ्या रस्त्याचे प्रथम रुंदीकरण करा..*
*जिल्हा परिषदेच्या माजी अध्यक्ष संजना सावंत यांच्यावतीने संदेश सावंत यांनी हे निवेदन कार्यकारी अभियंत्यांना दिले*
कणकवली-नरडवे मुख्य रस्ता ते नागवेकडे जाणाऱ्या फाट्यानजीकच्या जुन्या पुलाच्या निर्लेखना पूर्वी जंगमवाडीकडे जाणाऱ्या रस्त्याचे प्रथम रुंदीकरण करा, अशी मागणी जिल्हा परिषदेच्या माजी अध्यक्ष संजना संदेश सावंत यांनी कार्यकारी अभियंता सार्वजनिक बांधकाम यांच्याकडे केली आहे.
संजना सावंत यांच्यावतीने संदेश सावंत यांनी हे निवेदन कार्यकारी अभियंत्यांना दिले. त्यात म्हटले आहे की, आपण नरडवे मुख्य रस्ता हायवेवरील जंगमवाडीकडे जाणाऱ्या फाट्यानजीक असलेल्या जुन्या पुलाचे निर्लेखन करत आहात. हे निर्लेखन करण्यापूर्वी नरडवे मुख्य रस्ता, मौजे नागवे, हरकुळ बुद्रुक, जंगमवाडीकडे जाणाऱ्या रस्त्याचे प्रथम रुंदीकरण करावे व तिथे सर्कल करावे; जेणेकरून या मोठ्या पुलावरून एसटी तसच अन्य लहान-मोठी वाहने सहज जाऊ शकतील. अन्यथा याठिकाणी अपघात होण्याची शक्यता नाकारता येत नाही.यावेळी बुलंद पटेल, राजू पेडणेकर, रमेश पावसकर चंद्रकांत परब, अमोल घाडीगावकर, गणपत माणगावकर आदी उपस्थित होते.
