*कोकण Express*
*कणकवली न.पं.च्यावतीने ज्येष्ठ नागरिक, स्वातंत्र्य सैनिकांचा सत्कार*
*कणकवली ः प्रतिनिधी*
स्वातंत्र्याच्या अमृत महोत्सवानिमित्त कणकवली नगरपंचायतच्यावतीने विविध उपक्रम राबविण्यात येत असताना कणकवली शहरातील ज्येष्ठ नागरिक व माजी सैनिकांचा सत्कार नगराध्यक्ष समीर नलावडे उपनगराध्यक्ष बंडू हर्णे व मुख्याधिकारी अवधूत तावडे यांच्या प्रमुख उपस्थितीत करण्यात आला.
स्वातंत्र्याच्या अमृत महोत्सवाच्या निमित्ताने कणकवली नगरपंचायतच्या वतीने विविध उपक्रम यानिमित्ताने राबविण्यात येत आहेत. कणकवली शहराच्या वाटचालीत योगदान देणाऱ्या ज्येष्ठ नागरिकांचा या निमित्ताने सत्कार करण्यात आला. तसेच देशसेवेच्या कार्यामध्ये योगदान देणाऱ्या माजी सैनिकांना देखील या निमित्ताने गौरवण्यात आले.
याप्रसंगी ज्येष्ठ नागरिकांमध्ये राम तायशेटे, ज्येष्ठ सामाजिक कार्यकर्ते सुधाकर उर्फ अपी गवाणकर, परशुराम कामत, सुप्रिया प्रभू मिराशी, गणपत मालडकर, मारुती पालव, महेंद्रकुमार मुरकर, मनोहर पालयेकर, सिताराम उर्फ दादा कुडतरकर, रवींद्रनाथ मुसळे, दिगंबर सावंत या जेष्ठ नागरिकांचा मान्यवरांच्या हस्ते सत्कार करण्यात आला. तर संतोष मुसळे, बाळकृष्ण सावंत, सिताराम कुडतरकर, हरिश्चंद्र बाईत, अशोक राणे, आनंद पेडणेकर या माजी सैनिकांचा सत्कार करण्यात आला.
या सत्कार प्रसंगी नगराध्यक्ष समीर नलावडे, उपनगराध्यक्ष बंडू हर्णे, मुख्याधिकारी अवधूत तावडे यांच्यासह नगरपंचायत कर्मचारी उपस्थित होते. ज्येष्ठ नागरिक व माजी सैनिकांनी नगरपंचायतने केलेल्या गौरवाबद्दल समाधान व्यक्त केले.
