*कोकण Express*
*उत्पादन शुल्क विभागीय उपायुक्तपदी डॉ. बी. एच. तडवींची बढती*
*ओरोस ः प्रतिनिधी*
येथील उत्पादन शुल्क अधीक्षक डॉ. बी. एच. तडवी यांची उत्पादन शुल्क विभागीय उपायुक्त पदावर पदोन्नती झाली. तत्कालीन विभागीय उपायुक्तांच्या निवृत्तीनंतर कोल्हापूर विभागीय उपायुक्तपदाचा अतिरिक्त पदभार सध्या डॉ. तडवी यांच्याकडे आहे. कालच त्यांची विभागीय उपायुक्त पदावर पदोन्नती झाल्याने विटा निरीक्षक विजय ओमनाळे, दुय्यम निरीक्षक शिवाजी कोरे, सिंधुदुर्गचे निरीक्षक अमित पाडळकर, निरीक्षक संजय दळवी, दुय्यम निरीक्षक दिवाकर वायदंडे, राहूल मोरे, विशाल सरवटे यांनी पुष्पगुच्छ देवून तसेच जिल्हा माहिती कार्यालयाच्यावतीने ‘लोकराज्य’ देवून डॉ. तडवी यांचे अभिनंदन करण्यात आले.
