*कोकण Express*
*वैभववाडीत सरपंच पदासाठी 16 डिसेंबर रोजी आरक्षण सोडत*
*वैभववाडी ः प्रतिनिधी*
वैभववाडी तालुक्यातील 34 ग्रामपंचायतीच्या सरपंच पदाचे आरक्षण बुधवार दि.16 डिसेंबर रोजी सकाळी 11 वा. येथील तहसील कार्यालयात सोडत पद्धतीने होणार आहे. ही सोडत सन 2020 ते 2025 या कालावधी करता असणार आहे. यावेळी तालुक्यातील सरपंच, उपसरपंच, जिल्हा परिषद व पंचायत समिती सदस्य, लोकप्रतिनिधी यांनी उपस्थित राहावे असे आवाहन तहसीलदार रामदास झळके यांनी केले आहे. या सोडत कार्यक्रमाच्या वेळी येणाऱ्या प्रत्येक व्यक्तीस मास्कचा वापर करणे बंधनकारक असणार आहे.
