*कोकण Express*
*दोडामार्ग तहसिलदार कार्यालयमध्ये भूलभुलैया आणि टेबल खालची मोहमाया सुरू*
*मनसेचे विभाग अध्यक्ष अभय देसाई यांचा आरोप..*
*वरिष्ठांनी वेळीच लक्ष द्यावे अन्यथा त्या भ्रष्ट अधिकाऱ्यांचे चेहरे लवकरच पुरव्यासहीत जनतेसमोर उघड करू..*
दोडामार्ग तालुक्यातील तहसिलदार कार्यालयमधील काही अधिकारीविरुद्ध तक्रारी आमच्याकडे जनतेतून आल्या आहेत. छोट्या छोट्या कामांसाठी ताटकळत ठेवणे, लवकर होणाऱ्या कामांचा खोळंबा करणे,सातबारा वर होणाऱ्या नोंदी या चुकीच्या पद्धतीने करणे आणि उत्पन्नाचे दाखले वेळीच न मिळणे तसेच अन्य प्रकारच्या तक्रारी आल्या आहेत. तहसीलदार कार्यालय मधील होणाऱ्या चुकीच्या कामांसाठी आवाज उठवणे गरजेचे आहे. त्याचप्रमाणे तहसीलदार कार्यालयमध्ये भूलभुलैया आणि टेबल खालची मोहमाया सुरू झालेली आहे. असा थेट आरोप मनसे विभाग अध्यक्ष अभय पांडुरंग देसाई यांचा आहे. लवकरच सर्व पुरावे आमच्या हाती येणार आहेत. हे पुरावे हाती आल्यावर लवकरच दोडामार्ग तहसिलदार कार्यालयमधील होणारे भ्रष्टाचार जनतेसमोर उघड करणार असा इशारा मनसेचे विभाग अध्यक्ष अभय पांडुरंग देसाई यांनी दिला. हा टेबल-खालचा भूल-भुलैया कार्यालयामध्ये चालू आहे. ही सर्व लपाछुपी आणि अधिकाऱ्यांचे पितळ दोडामार्ग मधील जनतेसमोर उघडे व्हायला हवे त्यासाठी मनसे पदाधिकारी स्वतः त्या ठिकाणी लक्ष ठेवणार आहेत ही मोहमाया रंगे-हाथ पकडुन जनतेला पुरावे सहित सादर करणार असल्याचं स्पष्ट केले आहे. ह्या बाबत लेखी तक्रार वरिष्ठ पातळीवर करणार आहे. वरिष्ठांनी महसूल विभागातील होणाऱ्या भ्रष्टाचाराला वेळीच आळा न घातल्यास मनसे सरचिटणीस माजी आमदार परशूराम उपरकर यांच्या बैठकीतून दोडामार्ग तालुक्यातील जनतेवर होणाऱ्या अन्यायाविरुद् जनता दरबाराद्वारे आवाज उठवला जाईल असा इशारा मनसेचे विभाग अध्यक्ष अभय पांडुरंग देसाई यांनी दिला.
