*कोकण Express*
*कणकवलीत अनधिकृत पार्किंग करणाऱ्या तब्बल 57 वाहन चालकांवर दंडात्मक कारवाई!*
*आमदार नितेश राणे यांच्या सूचनेनंतर पोलिसांकडून कडक उपायोजना!*
*वाहतुकीला अडथळा होण्यासारखी वाहने पार्किंग करू नका पोलिसांचे आवाहन!*
*कणकवली ः प्रतिनिधी*
दोन दिवसापूर्वीच कणकवली शहरातील सर्विस रस्त्यावर होणाऱ्या अनधिकृत पार्किंग संदर्भात आमदार नितेश राणे यांनी कारवाईच्या सूचना दिल्यानंतर त्याची गांभीर्याने दखल घेत वाहतूक पोलिसांनी गेल्या दोन दिवसात वाहतुकीस अडथळा होणाऱ्या पार्किंग वर कारवाई केली. यात गेल्या दोन दिवसात तब्बल 57 वाहनचालकांवर प्रत्येकी 500 रुपये याप्रमाणे दंडात्मक कारवाई करण्यात आली. तर आज सोमवारी सायंकाळी कणकवली नरडवे रोड ते गंगोमंदिर व गांगोमंदिर पासून पुन्हा नरडवे रोड पर्यंत कणकवलीतील दोन्ही बाजूच्या सर्विस रोड वरून वाहतूक शाखेचे पोलीस निरीक्षक अमित यादव यांच्यासह वाहतूक पोलिसांनी स्पीकर द्वारे जनजागृती केली. या जनजागृतीची दखल न घेणाऱ्या व वाहने अनधिकृत पार्किंग करून ठेवलेल्या तब्बल 35 वाहनचालकांवर दंडात्मक कारवाई करण्यात आली वाहतूक शाखेचे पोलीस निरीक्षक अमित यादव यांच्यासह वाहतूक पोलीस चंद्रकांत माने, संदेश आबिटकर कणकवली पोलिस स्टेशन व जिल्हा वाहतूक शाखा यांच्या संयुक्त विद्यमाने ही कारवाई करण्यात आली. कणकवली शहरात सर्व्हिस रोडवर वाहने पार्किंग केली जात असल्याने अनेकदा वाहतूक कोंडीची समस्या निर्माण होते. इतर वाहनांना वाहतुकीस अडथळा होणार नाही अशी पार्किंग ची जागा पाहून वाहने पार्किंग करावीत असे आवाहन वाहतूक पोलिसांच्या वतीने करण्यात आले आहे. सर्व्हिस रोडवर कोणीही वाहने पार्किंग करू नयेत व वाहतुकीला अडथळा होईल असे वाहन पार्किंग करून जाऊ नये. असे आवाहन देखील पोलिसांकडून करण्यात आले आहे. पोलिसांकडून यापुढे देखील ही कारवाई अशीच सुरु राहणार असून, पोलिसांना वाहनचालकांनी सहकार्य करा असे आवाहन करण्यात आले आहे.
u
