*कोकण Express*
*नवोदय विद्यालय प्रवेश परीक्षेच्या परजिल्ह्यातील विद्यार्थ्यांबाबत युवासेना आक्रमक*
*युवासेना जिल्हाप्रमुख सुशांत नाईक, शिवसेना उपजिल्हाप्रमुख यांनी जिल्हाधिकाऱ्यांची भेट*
*कणकवली ः प्रतिनिधी*
नवोदय विद्यालय प्रवेश प्रक्रिया परीक्षेमध्ये सिंधुदुर्ग जिल्हयातील जि. प. च्या ५ वीच्या विद्यार्थ्यावर सातत्याने अन्याय होत आहे. यासंदर्भात शिवसेना पदाधिकारी सुजित जाधव यांच्या माध्यमातून गेले काही दिवस सातत्याने आवाज उठवण्यात येत आहे. शिवसेनेने हा विषय हाती घेतला आणि सिंधुदुर्गातील शिक्षण क्षेत्रात खळबळ उडाली आहे. या संदर्भात गांभीयनि लक्ष घालून कारवाईची मागणी युवासेना जिल्हाप्रमुख सुशांत नाईक. नगरसेवक कन्हैया पारकर व उपजिल्हाप्रमुख सुजित जाधव यांनी जिल्हाधिकाऱ्यांकडे निवेदनाद्वारे केली आहे. सुजित जाधव यांच्या नेतृत्वाखाली हा प्रश्न युवासेनेने उचलून धरला असून, वेळीच कारवाई झाली नाही तर युवासेना याप्रश्नी आक्रमक होणार आहे. संबंधित प्रकाराची चौकशी करून योग्य ती कारवाई करावी अन्यथा सिंधुदुर्ग जिल्ह्यात युवासेना आक्रमक स्वरूपात आंदोलन उभारू असा इशारा देखील यावेळी देण्यात आला. या संपूर्ण प्रकरणी मी स्वतः जातीनिशी लक्ष घालून चौकशीअंती कारवाई करेन असे आश्वासन सिंधुदुर्ग जिल्हाधिकारी के मंजूलक्ष्मी यांनी शिवसेनेच्या शिष्टमंडळाला दिले. तसेच त्यांनी या प्रश्नी सकारात्मक प्रतिसाद दिल्याचे नाईक यांनी यावेळी सांगितले. त्यांना दिलेल्या निवेदनात म्हटले आहे. तालुका नुसार पडतळणी केली असता नवोदय विद्यालय प्रवेश प्रक्रियेत सावंतवाडी ८५ कणकवली ३४ वैभववाडी – २३. मालवण १८. दोडामार्ग ८, कुडाळ ४, वेंगुर्ला तालुका ३६, देवगड १ विद्यार्थी परजिल्हय़ातील फक्त नवोदय विद्यालयाच्या परीक्षेच्या उद्देशाने फक्त ५ वी मध्ये प्रवेश घेतलेले आहेत. त्यामुळे साशंकता निर्माण झाली आहे. सिंधुदुर्ग जि.प. विद्यार्थ्यांना सांगेली येथील नवोदय विद्यालय हे सिंधुदुर्ग जिल्ह्यात असूनही आणि विद्यार्थ्यांमध्ये गुणवत्ता असूनही सातत्याने केवळ चुकीच्या पद्धतीने कार्यपद्धती राबवली जात असल्याने काही प्रशालामध्ये जिल्हयाबाहेरील विद्यार्थ्यांना इयत्ता ५ वी मध्ये नाममात्र प्रवेश दिला जातो. सदर विद्यार्थी प्रत्यक्षात शाळेत उपस्थित नसल्याचे आढळते. आणि त्या मुलांना निकष डावलून नवोदय निवड चाचणी परीक्षेला बसविले जाते. अशा मुलांना सदर परीक्षेला बसू देणं हे निकषाला धरून नाही. याबाबत योग्य ती दखल घेऊन ज्या प्रशालेमध्ये असे विद्यार्थी आढळतील त्या विद्यार्थ्यांना नवोदय निवड चाचणी परीक्षेला बसण्यास प्रतिबंध करावा जेणेकरून केवळ या जिल्हयातील विद्यार्थ्यांना नवोदय विद्यालयात प्रवेश मिळण्याची संधी प्राप्त करून देऊन या जिल्हयातील विद्यार्थ्यावर होणार अन्याय दूर करावा अशी मागणी यावेळी करण्यात आली. तसेच सिधुदुर्ग जिल्ह्यात अशा बोगस प्रकारे प्रवेश प्रक्रिया करणाऱ्या शिक्षण संस्था वर युवासेनेचा यापुढे बारकाईने लक्ष असणार असल्याचा इशारा देखील युवा सेनेच्या वतीने दिला आहे. यासंदर्भात योग्य कार्यवाही न झाल्यास अन्यथा जिल्हयातीत विद्यार्थ्यावर होणारा अन्याय दूर करण्यासाठी आंदोलनात्मक पवित्रा घ्यावा लागेल असा इशारा देखील यावेळी देण्यात आला.
