*कोकण Express*
*बाळासाहेबांकडूनच राज ठाकरे यांना हिंदुरक्षणासाठी ‘बाळकडू’ ; अमित इब्रामपूरकर*
*तर खा. विनायक राऊत यांना मनसे बाळासाहेबांच्या भाषणाच्या क्लिप्स पाठवणार*
*मालवण ः प्रतिनिधी*
माननीय बाळासाहेबांनी हिंदुंच्या रक्षणासाठी, व्यापक हिंदुत्वाचा नारा देत शिवसेना पक्ष वाढवला याची आठवण खासदार विनायक राऊत यांनी ठेवावी. राज ठाकरे हे महाराष्ट्रात दंगली घडवण्याची सुपारी घेत असल्याच्या खासदारांच्या टिकेचा खरपूस समाचार मनसेच्या अमित इब्रामपूरकर यांनी घेतला.
बाळासाहेबांनी मशिदींवरचे भोंगे काढलेच पाहिजेत हे भरसभेत सांगितले होते.सार्वजनिक ठिकाणी नमाज पठणास विरोध केला व तिथे महाआरत्यांचे आयोजन केले त्यावेळी दंगल होणार नव्हती काय? राज साहेबांवर सुपारी घेऊन दंगल घडवण्याचा आरोप करणाऱ्या खा. विनायक राऊत यांनी इतिहासाची आठवण ठेवावी. सत्तेत राहून भ्रमिष्ठ झालेले असाल तर त्यावेळच्या बाळासाहेबांच्या भाषणाच्या क्लिप्स आमच्याकडे आहेत. ते तुम्हाला आम्ही पाठवून देवू.
सत्तेच्या लालसेपोटी शिवसेनेने हिंदुत्व बाजुला ठेवलं आणि राष्ट्रवादी व राष्ट्रीय काँग्रेस पक्षाशी युती केली. हे शिवसेनेचे बेगडी हिंदुत्व आहे हे तुम्हाला मान्य करावेच लागेल. राजसाहेबांनी हिंदुत्व आणि मराठी अस्मिता यासाठी मनसे पक्षाची स्थापना केली. हे लक्षात ठेवा. साहेबांकडूनच राजसाहेबांनी हिंदुरक्षणासाठी ‘बाळकढू’ घेतलं. हिंदुह्दयसम्राट ही बाळासाहेबांची नावासमोरची उपाधी राजसाहेबांनी स्वतः घेतली नाही. आज खऱ्या अर्थाने बाळासाहेबांचे विचार पुढे घेऊन जाण्याचा प्रयत्न राजसाहेब करत आहेत असेही मनसेच्या अमित इब्रामपूरकर यांनी म्हटले आहे.
