*कोकण Express*
*शाळेतील शिक्षकाकडूनच अल्पवयीन विद्यार्थिनीचा विनयभंग…*
*वेंगुर्ले तालुक्यातील घटना; संशयितांवर गुन्हा दाखल करून अटक…*
*वेंगुर्ले ः प्रतिनिधी*
शाळेतील शिक्षकाकडून प्राथमिक शाळेतील अल्पवयीन विद्यार्थिनीचा विनयभंग झाल्याचा प्रकार तालुक्यात घडला आहे. या प्रकरणी संबंधित मुलीच्या नातेवाईकांनी दिलेल्या तक्रारीनुसार “त्या” शिक्षकावर गुन्हा दाखल करण्यात आला आहे. याबाबतची माहिती वेंगुर्ले पोलीस ठाण्यातून देण्यात आली. संबंधित शिक्षक हा ४३ वर्षीय आहे. आपण कार्यानुभव विषयाच्या तासाला तोरण लावत असताना शिक्षकांनी आपल्याशी गैरवर्तन केले, असे त्या मुलीचे म्हणणे आहे. त्यानुसार हा गुन्हा दाखल करून त्या शिक्षकाला अटक करण्यात आले आहे. याबाबतचा अधिक तपास महिला पोलीस उपनिरीक्षक डी.बी पाटील करीत आहेत.
