*कोकण Express*
*कासार्डेतील भिषण अपघातात दोघांचा जागीच मृत्यु तर दोनचाकी ३००मीटर फरफटत न्हेल्याने चक्काचूर*
*लक्झरीने दोघांनाही फरफटत घेवून गेल्याने देहाची छिन्नविछिन्न अवस्था*
*कासार्डे : संजय भोसले*
कासार्डे तिट्टा— जांभुळवाडी येथे असलेल्या उड्डाणपुलाच्या प्रारंभी सर्विस रोड कडे जात असताना होंडा एक्टिवा गाडी ला कणकवलीहून मुंबईच्या दिशेने भरधाव वेगाने जाणार्‍या भगवती ट्रॅव्हलच्या लक्झरी बसने जोरदार धडक दिल्याने ,त्यावरील निवृत्ती घाडी आणि सहप्रवासी रजनी घाडी यांचा जागीच मृत्यू झाला. तर होंडा ॲक्टिवा गाडीला तीनशे मीटर फरफटत नेल्याने तिचा चक्काचूर झाला.
याबाबत घटनास्थळावरून व पोलिस सूत्रांकडून मिळालेली माहिती अशी की, मयत निवृत्ती सोनू घाडी( वय 50 वर्षे) राहणार पेंढारी (घाडीवाडी) तालुका —देवगड यांचे पत्नीचे कासार्डे ताठ्ठा येथे नम्रता लेडीज टेलर, नामक कपडे शिवण्याची व तयार कपडे विकण्याचे दुकान आहे. ते आपले नातेवाईक मयत रजनी रमेश घाडी (वय ४०वर्षे)यांना आपल्या दुचाकी होंडा अॅक्टिवा MH-07- F- 21 13 या गाडीवरून घेऊन कासार्डे हायस्कूलच्या समोरील सर्विस रोडने येऊन महादेव मार्बल जवळच्या छेद रस्त्यातून आपल्या राहत्या घरी विजयदुर्ग रोडवर असलेल्या (भाड्याच्या खोलीमध्ये ) रात्रो अंदाजे ९.४५ वा. जात होते मात्र त्याच वेळी गोव्याहून मुंबईच्या दिशेने जाणारी भगवती ट्रॅव्हल्सची GA.03-N-6577. ही लक्झरी भरधाव वेगाने येऊन समोरच धडक दिल्याने दोघांचा जागीच मृत्यू झाला.
१) *बॉक्स*
लक्झरी गाडीची धडक इतकी जोरदार होती की होंडा अॅक्टिवा लक्झरी च्या दर्शनी भागात पुढील चाकाला अडकल्याने निवृत्ती घाडी व रजनी घाडी या दोघांना फरपटत सुमारे २० मीटर पर्यंत नेले तर ॲक्टिवा गाडीला पुलावरून पलीकडच्या बाजूला अंदाजे ३०० मीटर घेऊन गेले. पुढील चाकात गाडी अडकल्याने आणि प्रवाशांनी आरडाओरडा केल्याने ,अखेरीस ड्रायव्हरला नाईलाजास्तव गाडी थांबवणे भाग पडले .व तो लागलीच पसार झाला.
२) *बॉक्स*
*दुर्घटनाग्रस्त व्यक्तींची छिन्नविछिन्न अवस्था*
मयत निवृत्ती सोनू घाडी यांनी हेल्मेट घातलेले असतानाही लक्झरी च्या धडकेने त्यांची पूर्ण मान चिडली होती .तर तोंड पिळवटून मागच्या बाजूला वळलेले होते. आणि हेल्मेटचा चक्काचूर होऊन रस्त्याच्याकडेला पडले होते. तर त्यांच्यासोबत सहप्रवासी असलेल्या रजनी रमेश घाडी यांच्या पोटावरून चाक गेल्याने अगदी विद्रूप अवस्था झाली होती. आणि जवळ जवळ २० मीटर फरपटत न्हेलेल्या ठिकाना पर्यंत रक्ताचा सडा हायवेवर पडलेला होता.
खरे पाहता या वेळी पावसामुळे कासार्डे परिसरातील लाईट गेली होती. रस्त्यावर पुर्ण काळोख होता .त्यात निवृत्ती घाडी हे रस्ता क्रॉस करीत असलेले ठिकाण वळणदार असून अत्यंत धोकादायक आहे .शिवाय तेथे अनधिकृत छेद रस्ता असल्याने लक्झरी गाडीच्या ड्रायव्हरला ते दिसले नसावेत किंवा वेगही खूप असल्याने लक्झरी कंट्रोल न झाल्याने जोरदार धडक बसली. या धडके च्या आवाजाने आणि अपघातग्रस्त दोघांच्याही ओरडण्याने आजूबाजूचे ग्रामस्थ घटनास्थळी धावले मात्र तोपर्यंत खूप उशीर झाला होता.
काळोखातही मदत करण्यासाठी कासार्डे पोलीस पाटील —महेंद्र देवरुखकर ,संजय नकाशे, प्रशांत राणे ,प्रवीण मत्तलवार ,हर्षवर्धन रेते —पाटील, व कासार्डे चे अनेक ग्रामस्थ यांनी धाव घेतली. तर पोलीस निरीक्षक सचिन ओंधळेकर. डीवायएसपी कांबळे ,पोलीस उपनिरीक्षक व पोलीस नाईक चंद्रकांत झोरे, ट्राफिक हवालदार एपीआय अरुण जाधव ,आदींनी घटनास्थळी येऊन रीतसर पंचनामा केला. उत्तरीय तपासणीसाठी मयतांना कणकवली हॉस्पिटल येथे घेऊन गेले असून कणकवली पोलिस स्थानकात मार्फत अधिक तपास केला जात आहे.
