*कोकण Express*
*कणकवलीतील इमारत बेकायदेशीरपणे पाडल्याप्रकरणी एसआयटी गठीत करावी*
संदेश पारकर यांची मंत्री आदित्य ठाकरेंकडे मागणी
*कणकवली ः प्रतिनिधी*
कणकवलीतील तीन मजली इमारत बेकायदेशीरपणे पाडल्याबाबत शिवसेना नेते संदेश पारकर यांनी युवासेनाप्रमुख तथा महाराष्ट्र राज्याचे पर्यावरण व पर्यटन मंत्री आदित्य ठाकरे यांची मुंबई येथे भेट घेऊन एसआयटी गठीत करण्याची मागणी केली.
यावेळी आदित्य ठाकरे यांनी या सर्व प्रकाराची माहिती घेऊन कुणालाही पाठीशी न घालता दोषींवर कठोर कारवाई करण्यात येईल असे आश्वासन संदेश पारकर यांना दिले.
याबाबतचे निवेदन मुंबई येथील मुख्यमंत्री कार्यालयामार्फत मुख्यमंत्री उद्धव ठाकरे यांना देखील दिले असल्याची महिती संदेश पारकर यांनी दिली.
