*कोकण Express*
*वैभववाडीत नेहा माईनकर होणार भाजपाच्या नगराध्यक्ष*
*वैभववाडी ः प्रतिनिधी*
वाभवे – वैभववाडी नगरपंचायतच्या नगराध्यक्षपदी भाजपच्या कु. नेहा माईनकर यांचे नाव केंद्रीयमंत्री नारायण राणे यांनी निश्चित केले आहे. वाभवे-वैभववाडी न. पं. चे नगराध्यक्ष पद सर्वसाधारण महिला प्रवर्गासाठी राखीव आहे. भाजपाकडे 14 फेब्रुवारी रोजी होणाऱ्या नगराध्यक्षपदासाठी भाजपाकडे पूर्ण मताधिक्य आहे. आज नगराध्यक्षपदासाठी नामनिर्देशन दाखल करायचे असून नेहा माईनकर यांचा नावाला केंद्रीयमंत्री राणेंनी पसंती दिली आहे. नगराध्यक्षपदासाठी माईनकर यांचे नाव जाहीर होताच वैभववाडी भाजपा तालुकाध्यक्ष नासिर काझी, कणकवली तालुकाध्यक्ष मिलिंद मेस्त्री यांनी नेहा माईनकर यांचे अभिनंदन केले. यावेळी पं. स. उपसभापती अरविंद रावराणे, जि. प. माजी सभापती जयेंद्र रावराणे, भाजपाचे सर्व नूतन नगरसेवक उपस्थित होते.
