*कोकण Express*
*ओरोस येथील वारकरी मेळाव्यास उपमुख्यमंत्री अजित पवार राहणार उपस्थित*
*सिंधुदुर्ग जिल्हा वारकरी संप्रदाय तर्फे २६ डिसेंबर रोजी आयोजन*
*सर्व वारकरी भक्तांनी उपस्थिती राहावे*
*सिंधुदुर्ग जिल्हा वारकरी संप्रदायाचे सचिव श्री राजू राणे यांचे आवाहन*
*सिंधुदुर्ग ः प्रतिनिधी*
सिंधुदुर्ग जिल्हा वारकरी संप्रदायाच्या वतीने २६ डिसेंबर रोजी ओरोस रवळनाथ मंदिर येथे जिल्हास्तरीय वारकरी मेळाव्याचे आयोजन करण्यात आले आहे.
सिंधुदुर्ग जिल्हा वारकरी संप्रदायाचे जिल्हा अध्यक्ष ह भ प विश्वनाथ गवंडळकर यांच्या अध्यक्षतेखाली हा मेळावा होत असून, राज्याचे उपमुख्यमंत्री अजित पवार ,पालकमंत्री उदय सामंत, खासदार विनायक राऊत यांची प्रमुख उपस्थिती असणार आहेत, तर आमदार दीपक केसरकर, आमदार नितेश राणे, आमदार वैभव नाईक, सतीश सावंत यांची देखील प्रमुख उपस्थिती असणार आहे.
या मेळाव्याची सुरुवात सकाळी ९:०० वाजता वारकरी दिंडीने होणार असून हरिनामाच्या गजरात दिंडी श्री भवानी मंदिर सावंतवाडा ओरोस येथून निघून छत्रपती शिवाजी महाराजांच्या पुतळ्याला पुष्पहार घालून करून रवळनाथ मंदिर येथे येईल.
त्यानंतर हरिपाठ होईल व मेळाव्यास सुरुवात होईल. दुपारी १२:०० वाजता संत सेवा प्रवचन मालिका प्रकाशन दिनदर्शिका प्रकाशन संतसेवा पुरस्कार प्रदान सोहळा होणार आहे.
महाप्रसादाने या कार्यक्रमाची सांगता होईल. जिल्ह्यातील सर्व वारकरी व पांडुरंग भक्तांनी मोठ्या संख्येने उपस्थित राहावे असे आवाहन सिंधुदुर्ग जिल्हा वारकरी संप्रदायाचे सचिव श्री राजू राणे यांनी केले आहे.
