*कोकण Express*
*मराठा समाज उत्कर्ष मंडळाच्या वतीने वधू वर सूचक मेळाव्याचे आयोजन…*
*जास्तीत जास्त समाज बांधवासह बहुजन समाजातील व्यक्तींनी भाग घ्यावा; अध्यक्ष संजू परब यांचे आवाहन*
*सावंतवाडी ः प्रतिनिधी*
मराठा समाज उत्कर्ष मंडळातर्फे ११ डिसेंबरला सावंतवाडी येथील काजी शहाबुद्दिन हॉल येथे वधू वर सूचक मेळाव्याचे तसेच समाजबांधवांच्या स्नेह मेळावा आणि गुणगौरव सोहळा आयोजित करण्यात आला असून, या मेळाव्यात समाज बांधवासह बहुजन समाजातील व्यक्तींनी देखील लाभ घ्यावा असे आवाहन मंडळाचे अध्यक्ष संजू परब यांनी केले आहे.
सांगेली येथे झालेल्या कार्यकारिणीच्या बैठकीत हा निर्णय घेण्यात आला आहे. सावंतवाडी, दोडामार्ग तालुका मराठा समाज उत्कर्ष मंडळा ची बैठक झाली या मंडळाची बैठक गावातील पंचक्रोशी वर तालुक्यात दर तीन महिन्यांनी तालुक्यातील ग्रामीण भागात जाऊन बैठक घेण्याचे ठरविण्यात आले.
.त्यानुसार ही पहिली बैठक या गावात झाली. यावेळी मंडळाचे कार्याध्यक्ष दत्ताराम सडेकर, सचिव एडवोकेट संतोष सावंत, खजिनदार भुपेंद्र सावंत, उपाध्यक्ष पंढरी राऊळ, सहसचिव विनोद सावंत, मकरंद तोरस्कर, साई हवालदार, सत्यजित धारणकर, सुहासिनी सडेकर, मेघना राऊळ, उज्वला सावंत, दत्ता सावंत, भक्ती सावंत, संजना परब, विश्वनाथ राऊळ आदी पदाधिकारी उपस्थित होते. ज्यांना या मेळाव्यात सहभागी व्हायचे आहे त्यांनी खजिनदार भूपेंद्र सावंत सावंतवाडी चितारआळी, ओंकार फोटो स्टुडिओ येथे आपले अर्ज व नाव नोंदणी करावी असे ठरवण्यात आले.
