*कोकण Express*
*कणकवली २० नोव्हेंबर रोजी किलबिल जल्लोष*
खाऊ गल्ली सह लहानग्यांसाठी अनेक मनोरंजनाचे उपक्रम*
*समीर नलावडे मित्रमंडळाचे आयोजन*
*कणकवली ः प्रतिनिधी*
बालदिनाचे औचित्य साधत येत्या २० नोव्हेंबर रोजी चौंडेश्वरी मंदिरानजीक गणपती साना येथे एक लहान मुलांसाठी एक दिवस किलबिल जल्लोष खाऊ गल्ली उपक्रमाचे आयोजन समीर नलावडे मित्रमंडळाच्या वतीने आयोजित करण्यात आले आहे. कोरोना नंतर हा उपक्रम कोविड नियमांचे पालन करत आयोजित करण्यात आल्याची माहिती नगराध्यक्ष समीर नलावडे यांनी दिली.आमदार नितेश राणे यांच्या हस्ते २० नोव्हेंबर रोजी सायंकाळी 5 वाजता खाऊ गल्लीचे उदघाटन होणार आहे . पुणे येथील गायक सौरभ दफ्तरदार यांची गाण्याच्या मैफिलचा नजराणा पेश केला जाणार आहे. लहान मुलांना मज्जा मस्ती करता यावी, थोडा विरंगुळा मिळावा या उद्देशाने खाऊ गल्ली कार्यक्रमाचे आयोजन करण्यात आले आहे . यावेळी जादूगार सुचित्रा इंदुलकर यांचे जादूचे खेळ हे खास आकर्षण असणार आहे. खाऊ गल्लीमध्ये येणाऱ्या सर्व मुलांना सरप्राईज गिफ्ट मोफत देण्यात येणार आहे. तसेच या वेळी विविध खाद्य पदार्थांचे स्टॉल मोफत लावण्यासाठी जागा उपलब्ध करून देण्यात येणार आहे. यावेळी बांधकाम सभापती ऍड. विराज भोसले, आरोग्य सभापती संजय कामतेकर, नगरसेवक अभिजीत मुसळे, माजी उपनगराध्यक्ष किशोर राणे, चारू साटम, राजू गवाणकर उपस्थित होते .
