*कोकण Express*
*पुनर्वसन गावठाणासह मांगवली गावातील प्रवाशांची आता गैरसोय होणार दूर..*
_*प्रवाशांकडून समाधान व्यक्त..*_
*वैभववाडी, दि-०१ :-*
कणकवली जांभवडे ही सकाळी कुसूर गवळवाडी मार्गे जाणारी एस.टी.बस आखवणे भोम, नागपवाडी पुनर्वसन गावठाणात व्हाया करीत आहे.या बस फेरीमुळे पुनर्वसन गावठाणासह मांगवली गावातील प्रवाशांची सोय होणार आहे.याबाबत प्रवाशांकडून समाधान व्यक्त करण्यात येत आहे.
पुनर्वसन गावठाणातून सकाळच्या सञात भुईबावडा,जांभवडे , पाचल परिसरात जाणे येण्यासाठी एस.टी.बस नव्हती.तसेच सकाळी ९ वा.नंतर वैभववाडीकडे जाणारी एस.टी.बस नव्हती.त्यामुळे पुनर्वसन गावठाणासह , मांगवली गावातील प्रवाशांची गैरसोय होत होती.प्रवाशांची होणारी गैरसोय लक्षात घेऊन आखवणे येथील सामाजिक कार्यकर्ते विश्वनाथ नागप यांनी कणकवली जांभवडे ही गवळवाडी मार्गे जाणारी एस.टी.बस पुनर्वसन गावठाणात व्हाया करावी.यासाठी आगारप्रमुख कणकवली यांच्याकडे मागणी करुन सातत्याने यासाठी पाठपुरावा केला होता.या मागणीला यश आले आहे.पहिल्या एस.टी.बसचे आखवणे भोम सरपंच आर्या कांबळे, उपसरपंच आकाराम नागप,डाॕ.जागन्नाथ जामदार, सुरेश पांचाळ,शांताराम नागप, संतोष नागप यांच्यासह ग्रामस्थांनी स्वागत केले.तसेच कणकवली आगारप्रमुख तसेच वैभववाडी वाहातूक नियंञक संजय भोवड यांचे आभार मानले.
