*कोकण Express*
*कलमठ सरपंचपदी शिवसेनेच्या धनश्री मेस्त्री*
*कणकवली ः प्रतिनिधी*
कणकवली तालुक्यातील अत्यंत प्रतिष्ठेच्या ठरलेल्या कलमठ ग्रा. पं. च्या सरपंच पदाच्या पोटनिवडणुकीत शिवसेनेने बाजी मारली आहे. 17 सदस्य असलेली कलमठ ग्रा.पं. ही तालुक्यातील सर्वात मोठी ग्रामपंचायत. भाजपाचे 10 सदस्य असतानाही शिवसेनेच्या धनश्री मेस्त्री यांची कलमठ सरपंचपदी निवड झाली. 17 सदस्य असलेली कलमठ ग्रा.पं. ही तालुक्यातील सर्वात मोठी ग्रामपंचायत. भाजपाचे 10 सदस्य असतानाही सध्या भाजपच्या ताब्यात असलेल्या कलमठ ग्रामपंचायतीची सत्ता स्वतःकडे राखण्यात भाजपला अपयश आले आहे. शिवसेनेच्या एक ग्रा. पं. सदस्य अनुपस्थित असतानाही शिवसेना पदाधिकारी रामू विखाळे, जि. प. सदस्या स्वरूपा विखाळे, राजू राठोड, अनुप वारंग, विलास गुडेकर यांनी घेतलेल्या मेहनतीने चमत्कार केला. कलमठ सरपंच पदासाठी निवडणूक घेण्यात आली. भाजपाच्यावतीने सुहासिनी कांबळी तर शिवसेनेच्या वतीने धनश्री मेस्त्री यांची उमेदवारी अर्ज दाखल करण्यात आले होते. कलमठच्या माजी सरपंच देविका गुरव या यांनी राजीनामा दिल्यानंतर हे पद रिक्त झाले होते. गेले काही दिवस या पदावर प्रभारी सरपंच म्हणून शिवसेनेच्या उपसरपंच वैदेही गुडेकर यांनी काम केले होते. या ग्रामपंचायत मध्ये भाजपाचे दहा तर शिवसेनेचे सहा सदस्य होते. मात्र भाजपाचे काही सदस्य शिवसेनेच्या बाजूने सरपंच निवडीत राहिल्याचे चित्र दिसून आले. आज झालेल्या निवडणुकीत दोन्ही बाजूने समसमान सदस्यसंख्या झाल्याने चिठ्ठी टाकून निवड करण्यात आली. यात धनश्री मेस्त्री यांची सरपंच पदी निवड झाल्याचे स्पष्ट झाले आहे. समसमान अशी 8 मते प्रत्येकी सेना भाजपाला मिळाली. आणि चिट्ठीद्वारे सेनेच्या धनश्री मेस्त्री यांची कलमठ सरपंचपदी निवड झाली. आता भाजपाची कोणत्या सदस्यांनी सेनेला मतदान केले ? हे शोधतानाच अंतर्गत दुही मिटवण्याचे आव्हान ही भाजपासमोर असणार आहे.
